1.你今年最常去哪一間戲院睇戲？
頻率最高的，應該是時代廣場UA吧。沒有特別原因，只為方便收工就撲出去睇。
2.你最喜歡哪一位導演？
好少研究導演的。真係要揀，華人導演都係杜琪峰囉，最鍾意佢拍《鎗火》、《PTU》、《黑社會》這一類戲；西人嘛，我好少研究西人咕喎。
3.你最喜歡哪一位演員？
唔洗諗，一定係周星馳，特別是以前的周星馳，阿發同阿七，簡直係無敵。屋企的有限數DVD，他的戲佔了大部份。
4.今年哪一齣電影最令你驚喜？
暫時來說，《斷背山》吧!其實今年沒有看過幾多套戲，更加沒有哪套令我有很深印象，讓我有一再回味的衝動。
5.今年哪一齣電影最令你失望？
以過去12個月來說，會係《情癲大聖》，垃圾人做的垃圾戲。兩張飛是免費的，雖說金錢上沒有損失，但我仍覺浪費了兩個小時。如果你討厭哪一位朋友，那就介紹他去看吧，包保你乜仇都報晒。
6.你有沒有試過睇戲睇到喊？
周不時都喊，睇《大丈夫2》，最尾毛舜筠solo果段都可以令我喊，嚇死隔離個女仔。
7.你會不會一個人去睇戲？
試過，但唔enjoy。
8.你最近看了哪一齣電影？
《穿Prada的惡魔》，雖然唔鍾意名牌，但無疑d衫真係靚爆，Meryl Streep簡直係一流。
9.你最想哪一位去世導演復活再拍戲?
冇喎，一向較少留意導演。
10.您最鍾意哪一套外語電影？
其實好多都鍾意，霎時間要我講，應該係《生死時速》。套戲夠刺激，處於顛峰時期的奇洛夠靚仔，重睇不下十次，對白背得出；其次係《幻海奇緣》(唔記得係咪呢個名)，好鍾意呢套戲，好浪漫，好感人。
11.您最喜歡哪個國家的電影？
國藉一向都唔係我研究的題目。
12.您最喜歡哪首電影主題曲？
沒有特別深印象的，但真係要揀，《芝加哥》和《斷背山》的OST我都好鍾意。
13.你最珍惜的 VCD or DVD 電影收藏是那套 ?
周星馳系列，邊個問我借都冇得傾。
14.The worst movie that you have seen....
套野我唔記得叫乜名，類似係《見習黑玫瑰》，簡直係爛片之王。睇完直情想搣爛隻碟，不過隻碟係人地借我的，所以唔好意思整爛。
15.如果俾你揀一套戲拍續集，你會揀?
想不到。要拍續集的戲，一定是自己喜歡的戲。不過，若是自己喜歡的，又會怕看到續集太爛，影響到我對第一集的觀感。
16.你覺得自己最似邊套戲的人物？
同粉雷雷一樣，係Bridget Jones。雖然劇本有點老土，但睇的時候非常有共鳴，特別係佢唱《All By Myself》時，眼淚不期然流出。
17. 翻看最多次的電影是哪一部？
都係《生死時速》，好留戀奇洛的手瓜。
18.如果有一個演員可以「從此消失不再拍戲」，你會揀邊個？
成龍，一隻侮辱人類的生物。
19.如果畀你改寫一套戲0既結局，你會改邊套？
《綠里奇蹟》(The Green Mile)吧，Tom Hanks主演，一套長3小時的電影。內容講述一個有奇異力量的黑人，因為外表兇惡而被世俗人一致認為是殺人犯，因而要接受死刑。這套戲是我令喊得最利害的其中一套。好人不應有這個下場，不是嗎?
(附加問題) 20.最喜歡哪一個片種﹖即喜劇、恐怖等等。
1.如果你不小心被人tag中，請在自己的blog內開一篇新的，回答所有問題 －－ 包括那條附加問題。
2.然後你需要想一條附加問題，一定要和電影有關，但你自己不用回答這條問題。
3.最後你開始 tag 人，你可以一個人都唔 tag，又可以 tag 晒全世界。但謹記，唔好 tag 返那個 tag 你的人。
4.如果若干日後你又被人 tag，便可以美其名曰“A circle of friends”了。而你需要回答之前沒有答過的問題，但請不要再 tag 任何人，因為已經大團圓結局了。
