夏天又到,又是女士們大晒靚腳趾之時.靚、涼爽,固然是涼鞋的最吸引之處.與此同時,著涼鞋,其實暗藏著很多危機.

自問腳趾不美,不過大熱天時要穿上波鞋厚襪四處走,確是一大折磨.所以,每年夏天,準會花時間打理好自己雙腳,大穿涼鞋.今年夏天好像來得特別早,所以我的涼鞋亦已早早出籠.

雖然喜歡著涼鞋,但每次穿上,總要小心奕奕,因為意外隨時發生.撞爆甲,正是最常發生的.

去年,一位熱愛涼鞋的女同事,穿上涼鞋乘地鐵,就在踏上扶手電梯的一剎,她向前仆了一下,腳趾們就剷在電梯級上.....嗚,血流如注,慘不忍睹.

除此之外,意外類型還多的是.前兩日,就有一宗發生在我身上.

星期六當日,穿上一雙人字拖款的涼鞋舒舒服服逛街去,回家前就乘坐輕鐵去食糖水.我隨便的交叉著雙腳,涼鞋就自然地輕輕鬆開.(注意:我不是把涼鞋完全脫掉抖涼,醜怪).突然間,腳板底凹下去那個半月位,突然劇癢,痕到入心兼標眼水果隻.

作為一個淑女,根本不可能在公眾地方伸手"R"腳板底,唯有隔著涼鞋在地上磨來磨去止痕,不過那入心入肺的痕癢卻沒有減少一分.

好辛苦的捱到去糖水舖,立即找一個隱蔽的座位來檢查雙腳發生甚麼事.甫坐下立即"橋"起腳,單起眼在涼鞋邊去"裝"入去,發現腳板底紅了一塊.再看清楚,劇癢那個位輕輕的腫了起來.「頂!」,原來被蚊釘.隻死蚊攝入我隻鞋入面咬我腳板底,變態架,痕到我死,直情攞我命.如果俾我見到佢隻粉皮,實踩到佢變屎餅然後再鞭屍.

鄉村長大的小村姑,已經當左d死蚊係自己朋友咁滯.廿幾年來,都係頭一趟被d反骨蚊咬腳板底.如果有人試過被蚊咬腳趾罅果種痛苦的話,我可以話俾你聽,蚊咬腳板底痕過咬腳趾罅百倍千倍呀!